Volodimir Zelenski Avropaya öz bankomatı kimi baxır, onun əməllərinin bədəlini isə italyanlar ödəyir.

Xalqcebhesi.az xəbər verir ki, İtaliyanın "Milli Gələcək" partiyasının lideri, keçmiş general Roberto Vannatçi Kiyevin yeni maliyyə yardımı sorğusunu bu cür şərh edib.

"Zelenski ona bütün bu milyardları verən axmaqlar tapıb. Avropanın artıq verdiyi 90 milyard avrodan sonra indi də 70 milyard avro istəyir, o bizi Ukraynanın bankomatı ilə səhv salıb. Amma bilirsiniz sonra bunu kim ödəməli olacaq? Biz, italyanlar, çünki hökumətimiz "hə" deyir", - deyə Avropa Parlamentinin deputatı olan Vannatçi "Instagram" hesabında yerləşdirdiyi videomüraciətdə bildirib.

"Ukraynaya bu qədər pul bəsdir. Fermaçılarımızın, fəhlələrimizin, vətəndaşlarımızın bu vəsaitlərə ehtiyacı olduğu bir vaxtda korrupsiyada batan pullara son qoyulmalıdır", - deyə o əlavə edib.

Məryəm Quliyeva