Ukraynada hədəflərə qarşı nüvə silahından istifadə, eləcə də Böyük Britaniya və Fransaya nüvə zərbəsi endirilməsi London və Paris Kiyevə nüvə texnologiyaları versə, qanuni və əsaslandırılmış olacaq.

Xalqcebhesi.az xəbər verir ki, bunu Rusiya Təhlükəsizlik Şurası sədrinin müavini Dmitri Medvedev "Max" kanalında bildirib. O, Rusiya Xarici Kəşfiyyat Xidmətinin Fransa və Britaniyanın müvafiq planları barədə məlumatını şərh edib.

Medvedevin fikrincə, bu məlumat “vəziyyəti kökündən dəyişir”: “Bu, müharibə aparan ölkəyə nüvə silahının birbaşa verilməsidir”. O vurğulayıb ki, hadisələr bu cür inkişaf edərsə, Rusiyanın ölkəsinə təhlükə yaradan Ukrayna hədəflərinə qarşı istənilən, o cümlədən qeyri-strateji nüvə silahından istifadə etməli olacağına “heç bir şübhə yoxdur”.

“Zərurət yaranarsa, Rusiya ilə nüvə münaqişəsinin iştirakçısına çevrilən təchizatçı ölkələrə qarşı da”, – deyə o əlavə edib. – “Bu, Rusiya Federasiyasının haqqı olan simmetrik cavabdır”.

Məryəm Quliyeva