İranın Konarak, Buşehr və Çoqadak şəhərlərində bir neçə partlayış baş verib.

Xalqcebhesi.az xəbər verir ki, bu barədə "Mehr" agentliyi məlumat yayıb.

Məlumata görə, ölkənin cənub-şərqində yerləşən liman şəhəri Konarakda üç partlayış səsi eşidilib.

Bununla yanaşı, İranın cənub-qərbində yerləşən Buşehr şəhəri və ona yaxın olan Çoqadak şəhərinin ətrafında daha iki partlayış qeydə alınıb.

Hadisələr nəticəsində dağıntılar və ya xəsarət alanlar barədə hələlik rəsmi məlumat verilməyib.