Qlobal fond bazarlarında qarışıq dinamika müşahidə olunub

“APA-Economics” xəbər verir ki, ABŞ bazarlarında indekslər üzrə əsasən müsbət dinamika qeydə alınıb. Belə ki, Dow Jones Industrial Average 0,36% artaraq 46,669.89 bəndə yüksəlib. S&P 500 Index 0,44% artaraq 6,611.83 bənd olub, Nasdaq Composite isə 0,54% artaraq 21,996.34 bənd təşkil edib. Bununla yanaşı, NYSE Composite Index 0,27%, S&P/TSX Composite Index isə 0,22% artım nümayiş etdirib.

Asiya-Sakit okean regionunda isə qarışıq dinamika müşahidə olunub. Belə ki, Nikkei 225 0,10% azalaraq 53,361.16 bənd təşkil edib. TOPIX Index 0,01% artaraq 3,645.13 bənd olub. Bununla yanaşı, Hang Seng Index 0,70%, CSI 300 Index isə 0,14% azalma göstərib. Eyni zamanda, S&P/ASX 200 Index 1,51%, MSCI AC Asia Pacific Index isə 0,34% artım nümayiş etdirib.

Analitiklər hesab edir ki, qlobal fond bazarlarında qarışıq dinamika investorların makroiqtisadi göstəriciləri və mərkəzi bankların faiz siyasəti ilə bağlı gözləntilərini qiymətləndirməsi fonunda formalaşıb.