Bu ilin yanvar-noyabr aylarında Çinin xarici ticarət dövriyyəsi ötən ilin eyni dövrü ilə müqayisədə 0,6% artaraq 4,17 trln. ABŞ dollarına çatıb.

"APA-Economics"in məlumatına görə, bu barədə Çin Xalq Respublikasının Baş Gömrük İdarəsinin açıqlamasında deyilir.

Məlumata görə, hesabat dövründə Çinin ixracı illik ifadədə 2,5% artaraq 2,31 trln. dollar, idxalı isə 1,6% azalaraq 1,86 trln. dollar təşkil edib. Nəticədə 459,92 mlrd. dollarlıq müsbət saldo yaranıb ki, bu da ötənilki göstəricidən 23% çoxdur.

Qeyd edək ki, 2016-cı ildə Çinin ümumi ticarət dövriyyəsi 6,8% azalaraq 3,68 trln. dollar, 2017-ci ildə 11,4% artaraq 4,11 trln. dollar, 2018-ci ildə 12,6% artaraq 4,62 trln. dollar, 2019-cu ildə isə 1% azalaraq 4,57 trln. dollar təşkil edib.