Türkiyədən Çinə növbəti ixrac qatarı yola salınıb İqtisadiyyat

Türkiyədən Çinə növbəti ixrac qatarı yola salınıb

Türkiyənin Kösəköy stansiyasından Çinin Sian şəhərinə növbəti ixrac konteyner blok qatarı yola çıxıb. Blok qatar hər biri 40 futluq olmaqla 41 konteynerdən ibarətdir.

Bakı-Tbilisi-Qars dəmir yolu ilə hərəkət edən konteyner qatarı Çinə sərinləşdirici içkilər daşıyır. Konteynerlər ölkəmizin ərazisinə çatdıqdan sonra Bakı limanından Qazaxıstanın Aktau limanına göndəriləcək. Konteynerlər Xəzər dənizini operatoru “ADY Konteyner” MMC olan fider gəmisi vasitəsilə aşacaq.

Daşımanın operatorları Transxəzər Beynəlxalq Nəqliyyat Konsorsiumunun üzvləri - Pasifik Eurasia Logistics, GR Logistics, ADY Konteyner və KTZ Express şirkətləridir.