Moskvada Avrasiya İqtisadi İttifaqı Ali Şurasının məhdud tərkibdə iclası başlayıb.

APA-nın Moskva müxbiri xəbər verir ki, Kremldə keçirilən iclasda Rusiya Prezidenti Vladimir Putin çıxış edib. O, daha sonra Aİİ İqtisadi Şurasının geniş tərkibdə iclasının keçiriləcəyini söyləyib. Bildirib ki, geniş tərkibdə iclasda qonaq qismində Azərbaycan Prezidenti İlham Əliyevin iştirak edəcəyini söyləyib. O, Tacikistan Prezidenti İmomali Rahmonun isə qonaq qismində videokonfrans vasitəsi ilə iclasa qatılacağını söyləyib.
Qeyd edək ki, Azərbaycan Prezidenti İlham Əliyev RF prezidenti Vladimir Putinin dəvəti ilə Rusiyada səfərdədir. Səfər çərçivəsində Azərbaycan dövlət başçısının rusiyalı həmkarı ilə ikitərəfli və Azərbaycan, Rusiya və Ermənistan formatında üçtərəfli görüşləri də planlaşdırılıb.