Vim van Embden: "BMT-nin qətnamələrinə əhəmiyyət verilmir"

Bu sözləri Niderlandda fəaliyyət göstərən "Connect" təşkilatının katibi Vim van Embden Niderlandın SD radiosunda çıxışında deyib. Vim daha sonra çıxışında soydaşımız Vüqar Abbasovla tanış olduqdan sonra onunla birlikdə "Connect" təşkilatını yaratdıqlardan danışıb.
O, qeyd edib ki, bu ölkə haqqında ilk dəfə həmkarından eşidib və eşitdikləri də ancaq xoş sözlər olub; Azərbaycanın gözəlliyi, insanların qonaqpərvərliyi, Azərbaycanın tolerant ölkə olması, paytaxtın modern şəhər olmasından bəhs edib.
Daha sonra Vim əlavə edib ki, sonradan, özünün Azərbaycana səfəri zamanı bunun şahidi olub və deyilənlərin həqiqət olduğuna inanıb. Azərbaycan torpaqlarının işğalda olmasından, BMT – nin qətnamələrinə əhəmiyyət verilməməsindən danışan Vim van Embden bu halın heç də xoş olmadığını dilə gətirib.
O, eyni zamanda "Connect"in bir neçə gündən sonra təşkil edəcəyi tədbirə toxunan Vim Azərbaycanın mətbəxindən söhbət açıb və tədbir iştirakçıların Azərbaycan təamlarını, şərabını dada, skripkada, tarda və sazda Azərbaycan milli musiqilərini dinləyə biləcəklərini qeyd edib.