"Energetika sahəsində imzalanmış sənədlər və aparılan müzakirələr deməyə əsas verir ki, yaxın gələcəkdə bu sahədə əməkdaşlıq daha da genişlənəcək".

APA-nın xəbərinə görə, bunu Azərbaycan Prezidenti İlham Əliyev Vyetnam Sosialist Respublikası Kommunist Partiyasının Mərkəzi Komitəsinin Baş katibi To Lamla mətbuata bəyanatında bildirib.

Prezident İlham Əliyev deyib ki, bu gün bu əməkdaşlıq daha çox ticarət sahəsində aparılır: “Ancaq qarşılıqlı sərmayə qoyuluşları da müzakirə edildi. Vyetnam şirkətlərinin Azərbaycana, Azərbaycan Dövlət Neft Şirkətinin Vyetnama sərmayə qoyuluşu məsələləri müzakirə edildi. Göstəriş verildi ki, adiyyəti qurumlar bu məsələlərlə konkret addımlar atsınlar”.