Azərbaycan Xarici İşlər Nazirliyi Honq Konqun Tay Po rayonunda baş vermiş ağır yanğın hadisəsi ilə əlaqədar Çin tərəfinə başsağlığı verib.

Bu barədə XİN-in sosial şəbəkə hesabında paylaşım edilib.

“Honq Konqun Tay Po rayonunda baş vermiş və çoxsaylı insanın həyatına son qoyan, həmçinin yaralanmalara səbəb olan faciəvi yanğın xəbəri bizi dərindən kədərləndirdi. Həlak olanların ailələrinə və yaxınlarına səmimi başsağlığımızı bildirir, yaralananlara tezliklə sağalmağı arzu edirik. Bu çətin zamanda Honq Konqun və Çin xalqının yanında olduğumuzu bəyan edirik”,- paylaşımda qeyd olunub.