Mayın 19-u axşam saatlarında təbrizli şair. Milli-mədəni fəal Əkbər Cahani özünün şəxsi evində təhlükəsizlik məmurları tərəfindən həbs olunub.

Onun evində axtarı aparıldığı, ona məxsus şəxsi əşyaların, o cümlədən komputer və mobil telefonunun götürüldüyü bildirilir.

Qeyd edək ki, yarımçıq saxlanılan Traxtur-Perspolis qarşılaşmasından sonra Təbrizdə həbslər həyata keçirilib.

Əkbər Cahani ilə yanaşı Əyyub və Davud Şiri qardaşlarının da, saxlanılaraq naməlum yerə aparıldığı barədə məlumatlar yayılıb.

Sosial media fəalları və müstəqil mətbuat nümayəndələri "Səhənd" stadionunda türkcə milli şüarlarla yanaşı "ölüm oldun diktatora" və "and ola Səttarxana, biz girərik Tehrana" şüarları səsləndirilib.

Məlumatda bir neçə nəfərin saxlanıldığı, ancaq hələlik onların kimliyinin dəqiqləşdirilməsinin mümkün olmadığı bildirilir.

Gunaz.tv