üney Azərbaycan Televiziyasının (Günaz TV) qurucusu və rəhbəri, ABŞ-da terror hücumuna məruz qalmış güneyli siyasi fəal Əhməd Obalının müalicəsi davam edir. Bu barədə Günaz TV-nin Bakı ofisinin rəhbəri Araz Obalı məlumat verib
“Əməliyyat olunduqdan sonra Əhməd Obalı və oğlu Dənizin durumu sabitləşib, hər ikisinin səhhəti yaxşılığa doğru gedir və həyati risk yoxdur.

Ancaq Əhməd Obalının aldığı zərbələr nəticəsində ağ ciyərində nasazlıq yaranıb, tənəffüs problemi yaşayır. Xüsusi tənəffüs cihazı, şlanqı olmadan nəfəs almaqda çətinlik çəkir”-deyə, Obalı bildirib.

Araz Obalının verdiyi məlumata görə, Əhməd bəyin mühafizəsi də gücləndirilib.

“Həm xəstəxadan dışarıda, həm də xəstəxana daxilində polis mühafizəsi gücləndirilib, tibb müəssisəsi ciddi nəzarətə götürülüb”-deyə, Araz Obalı bildirib.

Qeyd edək ki, Günaz TV-nin qurucusu və rəhbəri Əhməd Obalı və oğlu Dəniz mayın 21-də səhər saatlarında Kaliforniya ştatında naməlum şəxslər tərəfindən vəhşicəsinə döyülüb.