İran rəsmilərinin səhlənkarlığı nəticəsində Bağır Xanın bir əsrlik evi zibilliyə və narkomanların toplaşdığı yerə çevrilib və tam dağılmaq ərəfəsindədir.

Gunaz.tv

Bağır xanın evi Qacar türklərinin yadigarıdır və Təbrizin Bala Hamam məhəlləsində yerləşir. Son günlər rəsmilərin səhlənkarlığı ucbatından bu qiymətli binanın bəzi hissələri bilgisiz vətəndaşlar tərəfindən dağıdılıb, ətrafa səpələnib.

Son iki ildə bu tarixi evin bəzi hissələri Təbriz Bələdiyyəsi tərəfindən alınıb, lakin Təbriz Bələdiyyə Başçısı Yaqub Hüşyarın sözlərinə görə gedişat maliyyə çatışmazlığına görə yarımçıq qalıb.

Qeyd edək ki, ötən il bələdiyyə Bağır Xanın tarixi abidəsinin yerləşdiyi kçəni asfaltlayıb, ancaq bu binanın tam sahibliyi, bərpası və dirçəldilməsi hələ də qeyri-müəyyənlik içərisindədir.

İranda Azərbaycanın kimliyinə və tarixinə işarə edən tarixi abidələr ya qəsdən dağıdılır, ya da məqsədli baxımsızlıq ucbatından məhv olmaq təhlükəsindədir, fars şəhərlərindəki belə yerlər isə İran hökuməti tərəfindən qorunub bərpa edilir. Bu yolla rejim həm Azərbaycanın tarixini və kimliyini yox etməyə, həm də turistik və iqtisadi potensialını əritməyə çalışır.