Qərbi Azərbaycan valisi Rza Rəhmani konfransda Urmiya Gölünün Bərpa Komitəsinin fəaliyyətinin tənqidinə cavab olaraq maarifləndirmənin zəruriliyini vurğulayaraq deyib: “Keçmişdə gölə birbaşa cavabdeh olan bəzi insanlar bu gün sadəcə tənqidçiyə çevriliblər, halbuki onlar əvvəlcə keçmiş fəaliyyətlərinə görə cavab verməlidirlər”.

Gunaz.tv

O, Bərpa Komitəsinin qərarlarına istinad edərək dedi: “Ümumi 27 əsas qərardan yalnız 30 faizi yerinə yetirilib və son 10 ildə Urmiya gölünün dirçəldilməsi üçün heç bir təsirli tədbir görülməyib”.

Qeyd edək ki, son 10 ildə Məhəmməd Mehdi Şəhriari və Sadiq Mötəmediyan adlı Qərbi Azərbaycanın yerlisi olmayan kürd Tehran tərəfindən Qərbi Azərbaycan valiliyinə təyin edilib.

Rəhmani Urmiya gölünün bərpası planlarının təxminən 30 faizinin həyata keçirildiyini iddia etsə də, bu da gerçəyi taç əks etdirmir. Ötən gün xəbər verdiyimiz kimi, Zab çayından gölə verilməli olan su əvəzində şəkər çuğunduru sahələrini suvarmaq və Mahabad şəkər zavodunu su ilə təmin etmək üçün istifadə olunur.

IRNA xəbər agentliyinin məlumatına görə, Urmiya gölündəki suyun hazırkı həcminin təxminən 1,14 milyard kubmetr olduğu təxmin edilir; Bu, ötən ilin eyni dövrü ilə müqayisədə 1,44 milyard kubmetr azdır.