Ərdəbildən olan azərbaycanlı alpinist Fəxrəddin Şahbazi son il ərzində Orta Asiyada dünyanın 7000 metrdən hündür 5 zirvəsinə dırmanmandığı üçün Beynəlxalq "Qar Qaplanı" tituluna layiq görülüb.

Gunaz.tv

Bu haqda Ərdəbil əyalətinin Dağçılıq Federasiyası məlumat yayıb.

O, Lenin zirvəsi (7134 metr), Xantəngəri zirvəsi (7010 metr ), Pobeda zirvəsi (7439 metr ), Ozadi zirvəsi (7105 metr) və 7495 metr hündürlüyü olan Kommunizm zirvəsilərinə qalxdığı üçün Rusiya Alpinizm Federasiyası tərəfindən mükafatlandırılıb.

Qeyd edək ki, "Qar qaplanı" titulu Pamir və Tanrı dağlarında olan 7000 metrdən hündür 5 zirvəyə qalxan alpinistlərə verilən beynəlxalq idman adıdır.