“Yaylıq” nəşriyyatı yeni tədris ili ərəfəsində uşaqlara və tələbələrə türk nağıl kitabları və maarifləndirici paketlər paylayıb.

Gunaz.tv

Tədbir Ərdəbildəki vətəndaş fəallarının əməkdaşlığı və yardımı ilə həyata keçirilib.

Paketlərdə türk hekayə kitabları, rəsm və məşq dəftərləri, rəngli karandaşlar, silgilər və qələmlər kimi hədiyyələr yer alıb.

Qeyd edək ki, Ərdəbildəki Yaylıq Nəşriyyatı Səadullah Donyəvi Muğanlının rəhbərliyi altında Azərbaycan mədəniyyətinə aid əsərlərin çapı üzrə 2019-cu ilin noyabr ayından rəsmi lisenziya ilə fəaliyyət göstərən azsaylı ixtisaslaşmış mərkəzlərdən biridir.

Xatırladaq ki, nəşriyyatın ofisi 2025-ci il mayın 10-da Ərdəbil vilayətinin Kəşfiyyat Baş İdarəsi tərəfindən möhürlənmiş və onun müdiri həbs olunmaqla hədələnmişdi. Hazırda nəşriyyat lisenziyasının ləğv edilməsi üçün təhlükəsizlik orqanlarının təzyiqi altındadır.