Noyabrın 30-da Həmədan şəhərində dövlət və özəl xəstəxanaların tibb işçiləri etiraz aksiyası keçiriblər.

Gunaz.tv

Bu haqda "İlna" xəbər agentliyi məlumat yayıb.

Həmədan əyalətinin Əmək İdarəsinin qarşısına toplaşan etirazçılar, hökumətin illərdir vəd etdiyi iş təsnifatı planının tam şəkildə həyata keçirilməsini tələb ediblər.

Tibb işçiləri hesab edirlər ki, iş təsnifatının olmaması əmək haqqı və müavinətlərin ödənilməsində ədalətsizliyə səbəb olub və onların iş motivasiyasını azaldıb.

Onlar Səhiyyə Nazirliyindən və məsul qurumlardan tələblərinə dərhal diqqət yetirmələrini istəyiblər, əks təqdirdə etiraz aksiyalarını davam etdirəcəklərini bildiriblər.