İran rejiminin qeyri-fars millətlərə qarşı olan təzyiqi səngimək bilmir. Məlumata görə, son bir ayda ərəblərin yaşadığı Əhvaz şəhərində 3 nəfər siyasi fəal saxlanılıb.
Mayın 2-də və 3-də (ordibeheştin 12-də və 13-də) Əbdəli və Haşim Məzrəe adlı iki qardaş Əhvazda təhlükəsizlik qüvvələri tərəfindən saxlanılıb.
"Herana"nın yaydığı məlumatda bildirilir ki, həmçinin Əhvazda Əli Məzrəe də İrandan çıxmaq istəyərkən Urmiyədə yoxa çıxıb. Mayın13-də yoxa çıxan fəaldan bu günə qədər heç bir xəbər yoxdur.
Saxlanılan 3 nəfərin ittihamları və harada saxlanıldıqları ilə bağlı hər hansı bir məlumat yoxdur və onların ailəsinin səlahiyyətli orqanlara müraciəti də heç bir nəticə verməyib.