FIFA Belçika Futbol Federasiyasının ABŞ millisinin hücumçusu Folarin Baloqunla bağlı etdiyi apellyasiya şikayətini təmin etməyib.

Qurum qırmızı vərəqə səbəbindən verilən 1 oyunluq cəzanın şərti olaraq təxirə salınmasına dair qərarı qüvvədə saxlayıb.

Bununla da Baloqun DÇ-2026-nın 1/8 finalında Belçikaya qarşı keçiriləcək oyunda meydana çıxmaq hüququ əldə edib.

Qeyd edək ki, Belçika Futbol Federasiyası FIFA-nın qərarının turnirin intizam qaydalarına zidd olduğunu bildirərək apellyasiya şikayəti vermişdi.

Federasiya qırmızı vərəqə alan futbolçunun növbəti oyunu avtomatik buraxmalı olduğunu əsas gətirmişdi. Lakin FIFA bu etirazı qəbul etməyib.