Belçika millisi 2026-cı il dünya çempionatında ciddi itki ilə üzləşib.

“The Athletic” xəbər verir ki, komandanın yarımmüdafiəçisi Amadu Onana zədələnib.

Futbolçunun dizində ön çarpaz bağı qopub.

“Aston Villa”nın 24 yaşlı futbolçusu 1/8 finalda ABŞ-a qarşı keçirilən matçda zədələnib. O, qarşılaşmanın 21-ci dəqiqəsində Hans Vanakenlə əvəzlənib.

Bu səbəbdən Onana dünya çempionatının qalan hissəsini buraxacaq.

Qeyd edək ki, Belçika ABŞ-a 4:1 hesabı ilə qalib gələrək 1/4 finala yüksəlib.