Ukraynada törədilən müharibə cinayətləri ilə bağlı məhkəmədə rusiyalı hərbçi ömürlük həbs cəzasına məhkum edilib.
APA "Guardian"a istinadən xəbər verir ki, Kiyev məhkəməsi Rusiya ordusunun Ukraynaya müdaxiləsi zamanı törətdiyi hərbi cinayətlərlə bağlı məhkəmədə ilk hökmdə ukraynalı mülki vətəndaşı öldürməkdə təqsirli bilinən rus əsgəri ömürlük həbsə məhkum edib.
21 yaşlı serjant Vadim Şişimarin müharibənin ilk günlərində Sumı vilayətində 62 yaşlı Aleksandr Şelipovu öldürməkdə təqsirli bilinib.
Hakim bildirib ki, Şişimarin istintaqla əməkdaşlıq edib peşman olduğunu bildirsə də, məhkəmə rus hərbçinin Şelipova atəş açarkən onu öldürmək niyyətində olmadığı iddiasını qəbul etməyib.