Dizel yanacağı, gübrə və əkin məhsullarının bahalaşması səbəbindən kartof da bahalaşıb. Bunu Sputnik Ermənistan-a müsahibəsində Ermənistan kənd təsərrüfatı nazirinin keçmiş müavini Aşot Arutyunyan deyib.
Onun sözlərinə görə, ötən ilin payızından kartofun qiymətinin qalxacağı məlum olub. Lakin dövlət böhranın nəticələrini aradan qaldırmaq üçün tədbirlər görmək əvəzinə, yazda kartofçulara da məhdudiyyətlər tətbiq etdi ki, bu da vəziyyəti daha da gərginləşdirdi.
İndi bazarda tələb var, amma təklif yoxdur, yəni respublikada kartof qıtlığı var ki, bu da qiymətlərə təsir edir.
Hazırda ölkə bazarında kartofun 1 kiloqramı 500-600 drama çatıb. Fevral ayında isə kartofun 1 kiloqramı 250 dram olub.

Cavid