Keçmiş dövlət katibi (1973-1977) və ABŞ-ın milli təhlükəsizlik müşaviri (1969-1975) Henri Kissincer Ukraynadakı münaqişənin üç yolla bitə biləcəyini bildirib. "Rusiya indi olduğu yerdə dayansa, o zaman Ukraynanın 20%-ni və əsas sənaye və kənd təsərrüfatı bölgəsi olan Donbasın böyük hissəsini və Qara dəniz sahilindəki torpaq hissəsini fəth edəcək. Və NATO-nun bu işdə rolu əvvəllər düşünüldüyü qədər əhəmiyyətli olmayacaq”, o Britaniyanın “The Spectator” jurnalına müsahibəsində bildirib. İkinci variant, onun fikrincə, Rusiyanı xüsusi əməliyyat başlamazdan əvvəl ilhaq etdiyi ərazilərdən, o cümlədən Krımdan “sıxıb çıxarmaq” cəhdidir. Kissincer deyib ki, əgər döyüşlər davam edərsə, “(Qərb üçün) öz riski Rusiya ilə müharibə vəziyyətində olacaq”. Üçüncü ssenari, diplomatın fikrincə, fevralın 24-nə qədər vəziyyətə qayıtmaqdır. Onun fikrincə, bu halda Ukrayna “yenidən silahlanacaq və NATO ilə sıx əlaqədə olacaq” və ya hətta alyansın üzvü olacaq. O, eyni zamanda, bu ssenarinin münaqişənin müəyyən müddətə dondurulmasını nəzərdə tutduğunu diqqətə çatdırıb.

Cavid