Hazırda Yaponiyanın Sakit okean sahillərində olan aşağı təzyiq zonası sentyabrln 23-də tayfuna çevrilə bilər.

Trend-in məlumatına görə, bu barədə Yaponiya Milli Meteorologiya İdarəsi bildirib.

Yaranan tayfunun Yaponiyanın paytaxt regionunun yerləşdiyi şərq hissəsinə doğru hərəkət edəcəyi gözlənilir. Bununla əlaqədar olaraq, idarənin əməkdaşları yerli sakinlərə tufan küləyi, çayların daşması və sürüşmə təhlükəsi barədə xəbərdarlıq edib.
"NHK" telekanalının məlumatına görə, Sakit okean sahilində yerləşən Vakayama prefekturasının 14 mindən çox sakini gözlənilən tayfunun gəlməsi ilə əlaqədar yerli hakimiyyət orqanlarından təxliyə ilə bağlı göstərişlər alıb.