![Hesablama Palatası Aqrar Kredit və İnkişaf Agentliyində nöqsanlar aşkarlayıb](https://xalqcebhesi.az/media/2024/07/26/225x136/66a3b6b520ab566a3b6b520ab61722005173b110f128a4f04e7e77a34d62ec55645e.jpg)
![Hesablama Palatası Aqrar Kredit və İnkişaf Agentliyində nöqsanlar aşkarlayıb](https://xalqcebhesi.az/media/2024/07/26/225x136/66a3b6b520ab566a3b6b520ab61722005173b110f128a4f04e7e77a34d62ec55645e.jpg)
26 İyul 18:03
ABŞ Dövlət Departamenti Cənubi Koreyaya ümumilikdə 1,5 milyard dollar dəyərində "CH-47F Chinook" helikopterlərinin və müxtəlif avadanlıqların mümkün satışını təsdiqləyib.
Bu barədə çərşənbə günü ABŞ Müdafiə Nazirliyinin Təhlükəsizlik Sahəsində Əməkdaşlıq üzrə Agentliyindən bildirilib.
Seul bundan əvvəl bu helikopterlərdən 18-ni, ehtiyat hissələrini, silahları və onlar üçün müxtəlif sistemləri almaq üçün icazə istəyib.
"Bu təklif olunan satış Asiya-Sakit Okean regionunda siyasi sabitliyin və iqtisadi inkişafın təşviqində mühüm rol oynayan əsas müttəfiqin təhlükəsizliyini gücləndirməyə kömək etməklə ABŞ-ın xarici siyasəti və milli təhlükəsizlik məqsədlərinə uyğun olacaq", - deyə sənəddə qeyd edilir.
ABŞ administrasiyası artıq bu qərarla bağlı Konqresə rəsmi məlumat verib. İndi qanunverici orqanın potensial sövdələşməni nəzərdən keçirmək üçün 30 günü var.