Türkiyə sahillərində 4 bal gücündə zəlzələ baş verib.

Bu barədə çərşənbə günü ölkənin Fövqəladə Halların İdarə Olunması Agentliyi (AFAD) məlumat yayıb.

Məlumata əsasən, yeraltı təkanların episentri Aydın vilayətinin Kuşadası körfəzində, ocağı isə 7 kilometr dərinlikdə yerləşib.

Zəlzələ İzmir, Aydın və ətraf vilayətlərdə də hiss olunub.

Zəlzələ nəticəsində dağıntılar və xəsarət alanlar barədə məlumat verilməyib.