Moskva Türkiyə ilə Suriya arasında münasibətlərin normallaşmasının tərəfdarıdır.

APA-nın Moskva müxbirinin məlumatına görə, bunu Rusiya xarici işlər nazirinin müavini Sergey Verşinin İstanbulda Rusiya Federasiyası ilə Türkiyə arasında keçirilən siyasi məsləhətləşmələrin yekunlarına dair açıqlamasında bildirib.
O, ölkəsinin Ankara-Dəməşq münasibətlərinin normallaşmasının tərəfdarı olduğunu söyləyib: "Çünki bu, regionda sülh və sabitliyin bərqərar olmasına töhfə verəcək. Rusiya hesab edir ki, Türkiyə ilə Suriya arasında görüşlərin keçirilməsi təşəbbüsləri bu iki ölkənin suveren qərarıdır".