Yunanıstanda sərnişin və yük qatarlarının toqquşması nəticəsində ölənlərin sayı artıb.

Trend "ERT1" telekanalına istinadən xəbər verir ki, hadisə nəticəsində 15 nəfər həlak olub, 65 nəfər isə yaralanıb.

Yaralılardan 25-nin vəziyyəti ağırdır.

Qeyd edilir ki, tibbi yardıma ehtiyacı olmayan digər 270 sərnişin hadisə yerindən təxliyə edilib.

Xatırladaq ki, Yunanıstanın Larisa şəhəri yaxınlığında yerləşən Evangelizmos yaşayış məntəqəsində iki qatar toqquşaraq relsdən çıxıb.