G7-nin silahlara nəzarəti həyata keçirmək üçün digər ölkələrə diktə etmək hüququ mayın 22-də Pekində keçirdiyi brifinqdə Çin Xarici İşlər Nazirliyinin sözçüsü Mao Ninq tərəfindən şübhə altına alınıb.

APA-nın məlumatına görə, Mao Ninq mayın 19-da G7 liderlərinin Çini “müvafiq çoxtərəfli və ikitərəfli forumlarda əsaslı şəkildə iştirak etməyə və nüvə tərksilahı sahəsində üzərinə götürdüyü öhdəlikləri yerinə yetirməyə” çağıran “Nüvə tərksilahına dair Xirosima baxışı”nı şərh edib.
Çin diplomatı qeyd edib ki, nüvə silahlarına nəzarət üzrə beynəlxalq qaydalar G7-nin müəyyən etdiyi daxili qaydalar deyil. G7-nin silahlara nəzarəti başqa ölkələrə diktə etmək hüququ yoxdur. Çin G7-nin ittihamlarını rədd edir.