Rusiya prezidentinin mətbuat katibi Dmitri Peskov bildirib ki, Rusiya ABŞ-la silahlara nəzarət üzrə dialoqa açıqdır, lakin Moskva diplomatik kanallar vasitəsilə Vaşinqtondan konkret təkliflər gözləyir.

"Xalq Cəbhəsi" Rusiya mətbuatına istinadən xəbər verir ki, Kremlin sözçüsü jurnalistlərə müsahibəsində ABŞ-ın milli təhlükəsizlik müşaviri Ceyk Sallivanın ABŞ-ın Rusiya ilə ilkin şərt olmadan silahlara nəzarət üzrə dialoqa hazır olması barədə bəyanatını “vacib və müsbət” adlandırıb. "Əlbəttə, biz onun diplomatik kanallar vasitəsilə de-fakto addımlarla dəstəklənəcəyini gözləyirik. Və bundan sonra təklif olunan dialoq formatlarını nəzərdən keçirmək mümkün olacaq. Rusiya Federasiyası dialoqa açıq olaraq qalır, biz bunu son dərəcə vacib hesab edirik. Əvvəlcə bu təklifin necə formalaşdığını başa düşmək lazımdır”, - deyə Peskov bildirib.

Cavid