SEPAH-ın Şərqi Azərbaycan əyalətindəki “Aşura” qərargahı SEPAH və “Bəsic” qüvvələrinin müdafiə və təhlükəsizlik sahələrində imkanlarını artırmaq məqsədilə “Beyt ül-Müqəddəs 15” hərbi təlimləri keçirəcək.

Xalqcebhesi.az xəbər verir ki, bu sözləri SEPAH nümayəndəsi Məhəmməd Cəfər Ağayi deyib.

“Təlimlər həm də Amerika və İsrailin rəhbərliyi altında hazırlanmış və həyata keçirilən fitnə və sui-qəsdlərlə mübarizə aparmaq üçün yeni hazırlıq yaratmaq məqsədi daşıyır”, - SEPAH rəsmisi bildirib.

O əlavə edib ki, əyalətin bütün şəhərlərində keçiriləcək təlimlərdə pusqu və iğtişaşlara qarşı əməliyyatlar, həmçinin şəhərlərdəki keçidlərə nəzarət etmək hərəkətləri məşq ediləcək.