ABŞ prezidenti Donald Tramp sələfi Co Baydenin dövlət başçısı postunu tərk etməzdən əvvəl özünü əfv etməməsindən təəssüfləndiyini bildirib.

Ağ Evin yeni rəhbəri bu barədə Fox News telekanalına müsahibəsində bildirib.

"Hər kəsə əfv payladı. Amma ən gülməli və ya bəlkə də ən kədərlisi odur ki, o, özünü əfv etməyib”, - TASS respublikaçıdan sitat gətirir.

O əlavə edib ki, diqqətlə baxsanız, hər şey Baydenlə bağlıdır. Lakin Tramp konkret olaraq nəyi nəzərdə tutduğunu açıqlamayıb.

Əvvəllər Tramp Baydenlə bağlı istintaqın mümkünlüyünü etiraf etmişdi. Jurnalistlərin ABŞ Konqresinin eks-prezidentə qarşı təhqiqat başlatmalı olub-olmaması ilə bağlı sualına Tramp cavab verdi: “Yaxşı, bilmirəm” və əlavə etdi ki, “bütün pullar” sələfinə gedib.

Cavid