Xalqcəbhəsi.az Türkiyənin “sozcu.com.tr” saytına istinadən xəbər verir ki, İngiltərədə yaşayan 23 yaşlı qadının həyatı airfryerin partlaması nəticəsində kabusa çevrilib. 15 aylıq uşaq anası həyatını alt-üst edən xəbəri qonşusunun telefon zəngindən öyrənib. Hər şeyin külə döndüyü evdən geriyə bir neçə paltar qalıb.

Angel Carpenter qonşusundan aldığı zəngə əvvəlcə inanmayıb. Amma evə qayıdanda gördükləri ürəyini ağrıdıb. O, bütün mebellərini, 15 aylıq qızı Frankinin paltarlarını və oyuncaqlarını itirib.

Yerli yanğınsöndürənlər yanğının elektrik naqilindən qaynaqlana biləcəyini və bunun da airfryerin partlamasına səbəb olduğunu bildiriblər. Hadisə zamanı su boruları da partlayıb və bu da yanğını söndürüb.