Ukrayna “Qazprom”la tranzit müqaviləsini uzatmaqdan imtina etdikdən sonra əvvəlki qaz marşrutlarını itirən Slovakiya Rusiya qazını “Türk axını” vasitəsilə alıb.

Xalqcebhesi.az xəbər verir ki, bu barədə Slovakiyanın SPP qaz şirkətinin rəhbəri Voytex Ferents məlumat yayıb.

Qaz tədarükü fevralın 1-dən başlayıb, aprel ayından isə ikiqat artırılacaq.

Bildirilib ki, SPP həmçinin Ukraynada törəmə şirkətini yaradır və qaz tədarükü üçün lisenziya alır.

Ferentsin sözlərinə görə, qazın yeni marşrutla tədarükü əvvəlki marşrutla müqayisədə 90 milyon avro baha başa gələcək.