Türkiyənin Hatay bölgəsində gecə saatlarında yağan güclü yağış və dolu səbəbindən sel baş verib.

Xalqcəbhəsi.az “sozcu.com.tr”yə istinadla bildirir ki, bəzi küçə və prospektlərdə su yığıldığı üçün sürücülər çətin anlar yaşayıb.

Dörtyol rayonunda axşam saatlarından başlayan və gecə saatlarında şiddətini artıran leysan yağış və dolu həyata mənfi təsir edib.

Yağış səbəbindən su basan bəzi küçə və prospektlərdə sürücülər bəzən nəqliyyatın hərəkətində çətinlik çəkib. Bir çox avtomobil isə yolda qalıb.

Hatay Böyükşəhər Bələdiyyəsi qrupları su basan yollarda nəqliyyatın bərpası üçün işlərə başlayıb.