İranın paytaxtı Tehran şəhərində cümə namazından sonra keçirilən yürüşdə iştirak edən iranlılar, İsrailin hücumlarını sərt şəkildə qınayaraq, hakimiyyətdən eyni dərəcədə sərt cavab verməsini tələb ediblər.

Xalqcebhesi.az xəbər verir ki, Tehran Universitetinin həyətində qılınan cümə namazından sonra İnqilab Meydanına doğru yürüş edən izdiham, İsrail və ABŞ əleyhinə şüarlar səsləndirib. Nümayişçilər "İntiqam, yalnız intiqam!" şüarları ilə diqqət çəkiblər.

Yürüşdə iştirak edən iranlılar, İsrailin hücumlarına qarşı hakimiyyətdən sərt və qətiyyətli cavab verilməsini tələb ediblər. Bu etiraz aksiyası ölkədəki gərginliyin xalq arasında da güclü şəkildə hiss olunduğunu göstərir.

Məryəm Quliyeva