Ukrayna Silahlı Qüvvələri tərəfindən idarə olunan pilotsuz uçuş aparatı (PUA) Rusiya Federasiyasının Belqorod vilayətinin Şebekino şəhərində sosial obyektə hücum edib.

Xalqcebhesi.az xəbər verir ki, Belqorod vilayətinin qubernatoru Vyaçeslav Qladkovun verdiyi məlumata görə, hücum nəticəsində orada çalışan bir qadın xəsarət alıb.

“Şebekino şəhərində Ukrayna Silahlı Qüvvələrinə məxsus PUA sosial obyektə zərbə endirib. Hadisə nəticəsində bir qadın xəsarət alıb. İlkin məlumata əsasən, o, mina-partlayış və barotravma (təzyiqə bağlı travma) alıb. Hazırda onun səhhəti ilə bağlı tibbi müayinə aparılır”, – deyə Qladkov bildirib.

Qubernatorun sözlərinə görə, binanın şüşələri və fasadı zədələnib. Hadisə yerində operativ xidmətlər fəaliyyət göstərir.

Məryəm Quliyeva