Türkiyənin Çanaqqala bölgəsinin Gelibolu rayonu sahillərində içinə su dolan qayıq batıb.

Hadisə Gelibolu rayonunun Burhanlı kəndi yaxınlığında baş verib.

Kemal Okur və A.S. (60) 8,5 metr uzunluğundakı "Deren 48" qayığı ilə dənizə açılıb. Az sonra qayığın içinə su dolub və batıb.

Hadisə yerinə çox sayda təcili yardım maşınları və Sahil Mühafizəsi qrupları göndərilib. A.S. üzərək sahilə çıxmağı bacarıb və Kamal Okur üçün axtarış-xilasetmə əməliyyatı başlayıb.

Hadisə yerinə gələn Sahil Mühafizəsinin Qərb Mərmərə Qrup Komandanlığının Dalğıc, Təhlükəsizlik, Mühafizə və Axtarış-Xilasetmə (DEGAK) Xüsusi Qrup 5 Komandanlığının qrupları Kamal Okurun cəsədini çıxarıb.

Faktla bağlı araşdırmalara başlanılıb.