Rosqvardiya əməkdaşları Moskva vilayətinin Şyolkovo şəhərində polis əməkdaşına hücum etməkdə şübhəli bilinən iki nəfəri saxlayıblar.

Bu barədə məlumat agentliyin Telegram kanalında dərc olunub.

Hadisə bazar ertəsi Proletarski prospektindəki ticarət mərkəzinin yaxınlığında baş verib. İstintaqın məlumatına görə, ticarət mərkəzinin çıxışı yaxınlığında iki nəfər Daxili İşlər Nazirliyinin əməkdaşına hücum edib, bundan sonra qaçıblar, lakin hadisə yerində saxlanılıblar.

Rusiya Milli Qvardiyası hücum edənlərin qonşu ölkələrin yerliləri olduğunu bəyan edib. Onlar əlavə araşdırma üçün polisə aparılıblar.

Daha əvvəl bildirilmişdi ki, izdihamın hücumunu dayandırmaq üçün polis əməkdaşı silahdan istifadə etməyə məcbur olub. Fövqəladə hadisə təhlükəsizlik əməkdaşının ticarət mərkəzinin mühafizəçisi ilə davanın dayandırılmasını tələb etməsindən sonra baş verib.

Cavid