ABŞ-ın Pittsburq şəhərindəki Karrik liseyində bıçaqlı hücum nəticəsində 3 yeniyetmə yaralanıb.

Xalqcebhesi.az xəbər verir ki, bu barədə yerli hakimiyyət orqanlarına istinadən ABC News məlumat yayıb.

Jurnalistlərin sözlərinə görə, yaralılardan ikisi xəstəxanaya yerləşdirilib. Zərərçəkənlərdən birinin vəziyyəti ağır, digərinin vəziyyəti isə stabil olaraq xəstəxanaya çatdırılıb. Daha bir azyaşlı isə yüngül bədən xəsarətləri alıb və ona hadisə yerində tibbi yardım göstərilib.

Məqalədə qeyd olunur ki, hücumda məktəbin 16 yaşlı şagirdi şübhəli bilinir.

"Şübhəli şəxs nəzarətə götürülüb", - nəşr yazır.

Məryəm Quliyeva