Kambocanın Kamponq Tom əyalətində avtobusun çaya düşməsi nəticəsində 13 nəfər ölüb, 24 nəfər yaralanıb.

Xalqcebhesi.az xəbər verir ki, Kambocanın Kampong Thom əyalətindəki Santuk polis rəisinin müavini Siv Sovanna bildirib ki, qəza yerli vaxtla səhər saat 3:00 radələrində baş verib.

Sovanna açıqlamasında avtobusun çaya düşdüyünü, nəticədə 13 nəfərin həyatını itirdiyini, 24 nəfərin isə yaralandığını bildirib.

"Biz inanırıq ki, qəza çox güman ki, sürücünün sükan arxasında yuxuya getməsi səbəbindən baş verib", - Sovanna deyib.