İstanbulda Rusiya və Ukrayna nümayəndələri arasında sülh sazişinin təfərrüatlarının dəqiqləşdiriləcəyi danışıqların dördüncü raundu keçirilə bilər.

Xalqcebhesi.az xəbər verir ki, bu barədə "RİA Novosti" agentliyinə türkiyəli politoloq Engin Özər məlumat verib.

Onun sözlərinə görə, razılaşmanın olmamasının əsas səbəblərindən biri Rusiya üçün qəbuledilməz olan Ukrayna ərazisində xarici hərbçilərin olmasıdır. Analitik qeyd edib ki, konsensus onların mandatı dəqiqləşdirildikdən sonra mümkündür.

"Güman edirəm ki, yaxın gələcəkdə İstanbulda Rusiya və Ukrayna nümayəndə heyətləri arasında görüş keçirilə bilər və bu görüşdə yüksək vəzifəli iştirakçılar gələcək sülh müqaviləsinin mətnini müzakirə edə biləcəklər", Özer bildirib.

Politoloq Rusiyanın Kiyevdəki hakimiyyətin legitimliyi ilə bağlı mövqeyini nəzərə alaraq, Ukrayna nümayəndə heyətinin nümayəndələri və onların səlahiyyətləri məsələsini də açıq adlandırıb.

Məryəm Quliyeva