İrandakı zənginləşdirilmiş uran hələ də 2025-ci ildə hücuma məruz qalmış nüvə obyektlərindədir.

Xalqcebhesi.az xəbər verir ki, bu barədə MAQATE-nin baş direktoru Rafael Qrossi bəyan edib.

"Biz ehtimal edirik ki, uran keçən il hücumlar baş verən zaman harada idisə, elə həmin yerdə də qalır. Ümumi qənaət bu yöndədir. İran rəsmiləri də vəziyyətin belə olduğunu bildiriblər", — deyə o, Misir, İordaniya, Mərakeş və Səudiyyə Ərəbistanının sorğusu əsasında çağırılmış MAQATE Rəhbərlər Şurasının növbədənkənar iclasının yekunlarına dair keçirilən mətbuat konfransında bəyan edib.

Qrossinin sözlərinə görə, agentlik hər bir halda yoxlamalar aparmaq üçün geri qayıtmalı, nüvə materiallarının yerini və miqdarını dəqiq müəyyən etməlidir.

Məryəm Quliyeva