İsrail ABŞ prezidenti Donald Trampın birbaşa xahişi ilə İrana qarşı müharibəyə qoşula bilər.

Xalqcebhesi.az xəbər verir ki, bu barədə "CNN" telekanalı adı açıqlanmayan İsrail mənbələrinə istinadən məlumat yayıb.

"Vaşinqton hələlik İsrailə Hörmüz boğazındakı bu əməliyyata qoşulmaq xahişi ilə müraciət etməyib. Mənbələrdən biri qeyd edib ki, əgər Tramp zərbələrin miqyasını əhəmiyyətli dərəcədə genişləndirmək qərarına gələrsə və İsraili qoşulmağa çağırarsa, İsrail buna hazır olacaq", — deyə nəşrin məlumatında bildirilir.

Mətndə həmçinin qeyd olunur ki, hazırda Təl-Əviv ABŞ və İran arasında münaqişənin daha da kəskinləşəcəyi təqdirdə operativ planlar hazırlayır, lakin hələlik kənarda qalır və münaqişəyə qoşulmağı planlaşdırmır. Buna baxmayaraq, İsrail Müdafiə Ordusunun (ÇAXAL) rəhbərliyi ölkənin döyüş əməliyyatlarını dərhal bərpa etməyə hazır olduğunu vurğulayır.

Məryəm Quliyeva