İraq Kürdüstanı hökumətinin başçısı Məsrur Bərzani şəxsi ofisinin İranın pilotsuz uçuş aparatı (PUA) tərəfindən hücuma məruz qaldığını bəyan edib.

Xalqcebhesi.az xəbər verir ki, bu barədə Bərzani "X" sosial şəbəkəsində yazıb.

​"İraq Kürdüstanının Anti-Terror Bölməsi tərəfindən aparılan təhqiqatdan sonra məlum oldu ki, bu gün mənim şəxsi ofisim və Təhlükəsizlik və Kəşfiyyat Agentliyinin rəhbərinin iqamətgahı İran dronlarının hücumuna məruz qalıb", — deyə bildirib.

​Bölgə hökumətinin rəhbəri hücumları kəskin şəkildə qınayaraq onları "təhlükəli gərginlik və İraq Kürdüstanının təhlükəsizliyinə, sabitliyinə birbaşa təhdid" adlandırıb.

​"Bu hücumlar bizi öz vəzifələrimizi yerinə yetirməkdən və vətəndaşlarımızı qorumaqdan çəkindirməyəcək", — deyə Bərzani vurğulayıb.

Məryəm Quliyeva