İran əleyhinə hərbi əməliyyatda iştirak edən ABŞ-nin "Abraham Lincoln" aviadaşıyıcısı Kaliforniyadakı bazasına qayıtmağa başlayıb.

Xalqcebhesi.az xəbər verir ki, bu barədə mənbələrə istinadən "CNN" telekanalı məlumat verib.

Məlumata görə, aviadaşıyıcı geriyə yol almağa başlasa da, hələlik ABŞ Silahlı Qüvvələrinin Mərkəzi Komandanlığının (Yaxın Şərq, Mərkəzi Asiya və Şərqi Afrikanı əhatə edir) məsuliyyət zonasını tərk etməyib. "The New York Times" qəzeti isə öz növbəsində qeyd edir ki, "Abraham Lincoln" və onun 5 min dənizçidən ibarət heyəti artıq doqquz aydır ki, döyüş növbətçiliyindədir.

Məryəm Quliyeva