İslamabaddakı Regional Araşdırmalar İnstitutu (IRS) keçmiş müvəqqəti Baş nazir və senator Ənvar-ül-Haq Kakarın iştirakı ilə "Görkəmli natiqlər" silsiləsindən bir tədbirə ev sahibliyi etdi.

Senator Kakar Pakistanın xarici siyasətində strateji muxtariyyət, müstəqil qərarların qəbulu və balanslı regional münasibətlərin qorunub saxlanılmasının vacibliyini vurğuladı.

Bunu xalqcebhesi.az-a pakistanlı jurnalist Tazen Aktar deyib.

"O, Pakistanın İran və Körfəz ölkələri ilə inkişaf edən münasibətlərini qeyd edərək, milli maraqları qorumaqla yanaşı, müsbət regional əlaqələrin gücləndirilməsi zərurətini önə çəkdi. Həmçinin, regional gərginliyin azaldılmasında dialoq və vasitəçiliyin rolu müzakirə edildi. Müzakirələr zamanı Pakistanın Çin, Əfqanıstan və Hindistanla münasibətlərinə də toxunuldu, eləcə də süni intellekt və yeni yaranan texnologiyaların qlobal güc dinamikasına təsiri nəzərdən keçirildi".

Cavid