ABŞ ilə müharibəyə son qoymaq üçün İran hakimiyyəti uranın zənginləşdirilməsi üzrə öz güclərini əhəmiyyətli dərəcədə azaltmalıdır.

Xalqcebhesi.az xəbər verir ki, bu barədə ABŞ-nin vitse-prezidenti Cey Di Vens "Reuters" agentliyinə müsahibəsində bildirib.

"Nüvə silahı istəmirsinizsə, onda 60%-ə qədər zənginləşdirilmiş yanacaq nəyinizə lazımdır? Və nüvə silahı yaratmaqdan imtina etmək öhdəliyinizi nümayiş etdirmək istəyirsinizsə, yüksək dərəcədə zənginləşdirilmiş yanacaq istehsal etməyin. Bu, münaqişənin dayandırılmasında çox mühüm, fundamental məsələdir", - deyə Vens bildirib. "Düşünürəm ki, onlar nüvə silahı yaratmaqdan imtina etmək niyyətlərini göstərmək istəyirlərsə, uranın zənginləşdirilməsi üzrə imkanlarına dair əhəmiyyətli addımlar atmalıdırlar".

O bildirib ki, ABŞ hələ də saziş bağlamağa açıqdır, lakin İrandan nüvə sahəsində konkret güzəştlər tələb edəcək. "Biz sözləri əməllərlə dəyişmək niyyətində deyilik", - deyə vitse-prezident vurğulayıb. Onun fərziyyəsinə görə, vəziyyəti mürəkkəbləşdirən məqam Vaşinqtonun Tehranda qərarları kimin qəbul etdiyinə tam əmin olmamasıdır. Vens ABŞ-nin İran Prezidenti Məsud Pezeşkiyan və xarici işlər naziri Abbas Əraqçi ilə danışıqlar apardığını bildirib. Lakin o iddia edib ki, onların İranın hakimiyyət strukturunda təsirinin nə dərəcədə böyük olduğu aydın deyil. "Müşahidə etdiyimiz məqamlardan biri də odur ki, onların ölkəsində qərarların necə qəbul edildiyi tam aydın deyil", —-deyə Vens ehtimal edib.

Məryəm Quliyeva