Jurnalist Camal Qaşıqçı qətlini araşdırmaq üçün Türkiyəyə gələn Səudiyyənin baş prokuroru öz ölkəsinə qayıdıb. Türkiyə mediası xəbər verir ki, baş prokuror əl Muceb İstanbulda əsas iki şeyi axtarırmış.
1. Qaşıqçının cib telefonu.
2. Cinayət anına dair səs qeydləri.
Camal Qaşıqçının cib telefonundan kimlərlə danışdığını təsbit etməyə çalışan Baş Prokuror israrla cinayət anını əks etdirən səs qeydlərinin yerini öyrənmək istəyib. ABŞ-ın Mərkəzi Kəşfiyyat İdarəsinin rəhbəri Gina Haspelin Türkiyəyə səfəri zamanı MİT-in əlindəki səs qeydlərini dinlədiyini demişdi. MKİ-nin əlindəki səs qeydlərinin isə Türkiyə kəşfiyyatçıları tərəfindən dinlənilməsi haqda məlumat verilmir. Daha əvvəl MKİ-dan bildirmişdilər ki, Qaşıqçının Ər-Riyada qaçırılması tələb olunubmuş.
İstanbulun Baş Prokuroru İrfan Fidan görüş zamanı Baş Prokuror əl Mucebə üç sual verib. 1. Qaşıqçının cəsədi haradadır? 2. Cinayətdə yerli müdaxilədən bəhs etdiniz. O tərəfdaş kimdir? 3. Planlı bir cinayət olduğunu dediniz. Qaşıqçı qətlini kimlər planlaşdırıb?
Bu üç sualın cavabı verilsə də cinayət açılmış olacaqdı. Amma Baş Prokuror əl Muceb bu üç suala cavab verməyib. Əvəzində istanbullu həmkarı qarşısında şərt qoyub: "Bilgi versəniz, bir irəliləyiş olacaq".
Türk-Ərəb Media Dərnəyinin başqanı Turan Kışlakçı ilk günlərdə Qaşıqçının aqibəti haqqında məlumat almaq üçün Ankaraya müraciət edəndə "Vəhşicəsinə qətlə yetirdilər" cavabını almışdı. Qaşıqçı cinayətinin isə iki üzü var. 1. Cinayətkarın getdiyi ərazi. 2. Qaşıqçının öldürülməsi göstərişini verən şəxs.
Qeyd edək ki, Qaşıqçı oktyabr ayının 2-də qətlə yetirilib. Sabah düz 1 ay olacaq. Amma Səudiyyə Ərəbistanının mane olması səbəbindən hələ də cəsəd tapılmayıb. Səudiyyə baş prokurorunun 4 gün davam edən Türkiyə danışıqları Qaşıqçı cinayətinin həllində bir irəliləyiş yaratdımı? Bu sualın cavabını təhlükəsizlik və məhkəmə orqanları iri bir sıfırla işarə etdilər. Səudiyyə Baş Prokuroru cinayəti açmaq əvəzinə, tam əksinə kilidlədi. Bəlkə də vəzifəsi o imiş.