Rusiya Prezidenti Vladimir Putin koronavirusa qarşı nə vaxt peyvənd olunacağını özü elan edəcək.

APA-nın Moskva müxbirinin xəbərinə görə, bunu Kremlin mətbuat katibi Dmitri Peskov bildirib.

Kremlin sözçüsü ümumilikdə ölkə ərazisində koronavirusa qarşı peyvəndə tələbatın yüksək olduğunu qeyd edib.

“Cəmiyyətdə koronavirusa qarşı peyvəndə münasibət yaxşıdır, peyvənd olunmaq istəyənlər çoxdur, tələbat yüksəkdir”, - deyə D. Peskov vurğulayıb.